Kryetari i Partisë Demokratike të Kosovës, Memli Krasniqi ka shprehur bindjen e tij se kryeministri në detyrë, Albin Kurti nuk i ka votat e mjaftueshme për qeverinë e re.

Në një konferencë për media, Krasniqi ka deklaruar se nuk ka pas kurrëfarë kontakti apo komunikimi me VV-së, megjithatë kreu i PDK-së shtoi se nuk do të pranojnë të diskutojnë për qeveri me ta.

“Nuk kam kurrfarë kontakti as komunikimi me Vetëvendosjen. Nuk pres kurrfarë kërkese, por po e them përmes juve kot e dërgon kërkesën se për këtë çështje as që e diskutojmë me Albin Kurtin çfarëdo lloj qeverie në çfarëdo opsioni”, tha Krasniqi.

“Jam i bindur siç kam qenë gjithmonë, që s’ka numra. E më pas ezaurimi i provës së parë, sjell atë të provës së dytë. Afatet kushtetuese janë të tilla, që mund të përfundojmë në zgjedhje mes 30 nëntorit deri më 14 dhjetorit, ndoshta me 7 dhjetor. E nëse na befason Kurti, mbesim me shku në zgjedhje në prill”, tha Krasniqi./Arbresh.info